الأربعاء، 22 مارس، 2017

قصيدة: "راهم باعونا وشراو الكوكايين" باللهجة المغربية



راهم باعونا وشراو الكوكايين






رَاهُمْ بَاعُونا 
وَشْراوْ الْكُوكايِينْ
كَاعْ ماراعونا 
وْغَمْضُو لْعِينِينْ
مْكَبْلينْ جَمْعونا 
بْلا حْسابْ هَذي سْينْ
لَكْثيرْ مَدْفُونْ 
البَاقي فوقْ الأَرْضْ سْجِينْ
الْأَصَلْ مَعْجونْ رُوحْ أُوطِينْ
منْ حَمَأْ مَسْنونْ 
بْرَفْقَتْ لَحْديدْ نازْلينْ
سْمَعْنا على عَامْ الْبونْ
الْيُومْ عيدْ لَمْجانينْ
لقْتيلَة عَلْخَاوي 
هَتْكو عَرْضْ الْآدَِميِِّينْ
إلى كْذَبْ الرَّاوي
صَدْقُوهْ الْأُمِّيِّينْ
لا خَبْزْ لا مْلاَوِي 
جَامعينْ أُو طَاوْيِينْ
عَصْرْ السُّرْعَة
وَلِّلي ما يْجِي عْلى بَالَكْ
كَبْرَتْ التَّرْعَة
الْخادَمْ بَنْتْ خَالَك
فَرْطو فَلْمَرْعى
كولْشي كَايتْسالَكْ
كَمَّلْها بَلْقَرْعَة الخَوْنَة
وْيَبْكي عْلى حالَكْ
ألِّلي بْغا يَسْلَمْ
إِدَوَّنْ كُلْ ما يَعْلَمْ
ما يْخافْ ما يَسْتَسْلَمْ
ما تَتْحَرَّرْ حَتى يْسيلْ الدَّمْ
العلْمْ ما مْسَقَّمْ
طابْ ما خَلَّاوْ ما يَتَلْقَم
دابا تَنْدَمْ
يالَمْعيَّشْ الناس فَلْغَمْ
فين مَّا حَطْ يَدُّو
خَصُّو يَغْنمْ
الِّلي ما عَجْبُو حالْ
بَلْخَف يَتْسَمَّمْ
شوفْ اسْكُتْ لا تَتْكَلَّم
طَبَّقْ بْلا ما تْخَمَّمْ
إِعَلْموكْ كيفاشْ تَحْلَمْ
اللِّي ما عَجْبوا حالْ
تَحْتْ السْواري يَتَّرْدَمْ

                           

                                                                                           الشاعر: نجيب بنشريفة                   

ليست هناك تعليقات:

إرسال تعليق